ان كان طيبي عيب ومشكلتي اوفيت@@اموت صادق وارفض اعيش كذاب

السلام عليكم ورحمته الله وبركاته
شلونكم شخباركم

حبيت اجيب لكم هاذي القصديه
واتنكى من الله سبحانه ان تنال اعجابكم

نبداء ونوكلنا على الله

ياليل ماذكر في حياتي تمنيت ... مثل ابتسامه تنتشل قلب منصاب
مليت ورب البيت ياليل مليت ... من الجروح اللي تجيني بلا اسباب

تدري ياليل اني على الجرح غنيت ... غنيت دمعه والصدى ضم الاهداب
تبي الحقيقة والصراحة ترجيت ... فرحة ولكن الزمن بالعطا خاب

ياليل قلي بدنيتي ويش سويت ... حتى الهموم بداخلي تفتح ابواب
ان كان طيبي عيب ومشكلتي اوفيت ... اموت صادق وارفض اعيش كذاب

طبعي كذا من ميزتي ماتخليت ... عندي مبادئ دونها ترخص ارقاب
بيني وبينك ياكثر ماتعنيت ... اركض بغرفة مغلقة مالها باب

غرفة وراها فرحتي دونها جيت ... اركانها عتمة ولاحولي احباب
كاس الفراق المر منة تقهويت ... انا اشهد ان الشوق بالليل غلاب

ياليل انا لاشفت ماعفت قفيت ... اقفي ولو خلفي كثيرين الاصحاب
الا جروحي كل مارحت واقفيت ... جتني تحمل صدتي لو وعتاب

ماذكر ولو مرة بحياتي تهنيت ... اضحك كذا والصدق عن شفتي غاب
صارت دموعي ضيف وعيوني البيت ... ودايم تشوف من المناديل ترحاب

لاشفت شمس الصبح لايديك حنيت ... وفي داخلك حبر القلم بالشقى ذاب
اسريك بحالتي واذا رحت ونيت ... مابي تروح ودمعتي بين الاهداب

اكتب شعوري في ظلامك على ايت ... ونورك ختم قصة عذابي على اب
يالليل قل للصبح اني تمنيت ... بس ابتسامه تنتشل قلب منصاب
وسلامتكم

تحياتي
اخوكم\\ الجنرال

يسلموو وصح لسانك الجنرال

ومتميز دايما

ولا تحرمنا من تميزك

تقبل مروري

>> kaka

الله يعطيك العافيه اخوي الجنرال وقصيدتك جزله وحلو

تقبل مروري اخوك الكايد

صح الله بدانكم ياخواني كاكا وكايدهم

يسلموؤوؤ علىا المرور الطيب

مع تحياتي لكم